مسك الختام

موضوع: مسك الختام الجمعة أكتوبر 17, 2008 3:08 pm

كنا على دروب الهوى
حرفين نتمشى سوا
صغرت علينا الولدنة..
وصرنا كلامْ..
وصرنا على ليالي السهر
حكايات يحكيها الهوا
ننطر على جنون العشق مرسال
تا نقرا سلامْ..
وأحلامنا بالليل يرسمها القمر
يْمرجح عليها نجوم
بحبال الغوى
ويبعث مع طلوع الفجر
ورقة غرام...
كيف اللي كانوا يلعبوا بغصن وحجر
كبروا..
وصاروا اتنين بيجمعهن هوى
ويحكي الورد علسانهن حب وهيام...
أكبر جنوني اليوم
لَيمُرّ العمر
وياخد معه اللي كان... ويجيب النوى
وتصبح شموس الحب
عبعادك ظلام...
لكن أنا
يا روح روحي بالصدر
مهما الهوى
جاب الأسى
بنارُه وكوى..
حبي إلك بيكون
يا عمري أنا...
مسك الختامْ..
منقوووووووووووووووووول